Modalitateak - Zubiarte Euskaltegia - Ikasnova

Modalitateak - Zubiarte Euskaltegia

Maila guztietan eskaintzen ditugu, EGA eta C1 azterketak prestatzeko ikastaroak ere bai.
Begiratu ordutegiak eta egunak talde eskaintzan
Txandaka ibiltzeko aukera dago.

B2, C1.1 mailak eta EGA/C1.2 azterketa prestatzeko ikastaro trinkoak, astean behin bakarrik etorrita, lau orduz.
Ikaslea astelehenetan etorriko da euskaltegira, goizeko ordutegian, eta eskola lau orduz jasoko du (09:15-13:30), 15 minutuko atsedena izanik.
Begiratu B2, C1.1 eta EGA-C1.2 mailetako talde eskaintzak:

Mailak: B2 eta C1
Ikastaro honetan ardatz nagusia ahozko trebetasunak lantzea eta hobetzea izango da.
Bi ordu eta laurdeneko saioak bi egunetan goizez eskaintzen ditugu.
Begiratu B2 eta C1.1 mailetako talde eskaintzak:
- B2ko talde eskaintza
- C1.1eko talde eskaintza

Talde hauek erakunderen batek (guraso elkarte, udal, kultur elkarte…) proposatuta antolatzen ditugu.
Erakunde horrek kopurua aurreikusi behar du guk eskaintza egin aurretik.
Galdetu zure inguruko eskolan edo zure udaletxean, euskara zerbitzuan.
Eskolak elkartearen egoitzan (eskolan, kultur-etxean…) ematen ditugu, baina toki egokia izatea ezinbestekoa da.
Astean 3 egunetan eguerdian (15:00-16:30) edota astean bi egunetan izaten dira.
Ordutegiak egokitu egiten ditugu taldearen beharretara.
Zenbait maila eskaintzen ditugu hainbat tokitan.

Ordutegi finkorik ez baduzu edo klasera joateko zailtasunak baldin badituzu (distantzia, ordutegiak…), egokia da modalitate hau.
Astean behin, normalean astearteetan edo asteazkenetan, mintzatzeko bi orduko aurrez aurreko klasea eta hamabost minutuko tutoretza izango dituzu euskaltegian.
Gainerako guztia (ariketak, irakurri, entzun, ikasi, idatzi…) zure kabuz edozein tokitan eta ordutan Moodle programaren bidez.
Maila guztietan eskaintzen ditugu EGA eta C1 azterketak prestatzeko ere bai.

Ikastaro hau bi eguneko aurrez aurreko ikastaroa bezalakoa da baina dena online.
Astearteetan eta ostegunetan edo astelehenetan eta asteazkenetan arratsaldeko ordutegian (17:00-19:30).
Ikastaro hauetan lau trebetasunak (entzumena, irakurmena, idazmena eta mintzamena) landuko ditugu plataforma baten bitartez.
Beharrezkoak dira interneteko konexioa, baita mikrofonoa eta kamera dituen gailua ere (ordenagailu eramangarria, tableta…) eta informatikan ezagutzak izatea.
Aholkatzen dizugu inprimagailua ere izatea edo etxean ez baduzu ere, beste nonbait inprimatzeko aukera izatea. Ikusi hemen ongi ibiltzeko dekalogoa.